2blelwda3
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
2blelwda3


 
الرئيسيةالتسجيلدخول

 

 موسيقى الميتال فى سطور

اذهب الى الأسفل 
كاتب الموضوعرسالة
son of satan

son of satan


عدد المساهمات : 2
تاريخ التسجيل : 11/01/2010

موسيقى الميتال فى سطور Empty
مُساهمةموضوع: موسيقى الميتال فى سطور   موسيقى الميتال فى سطور Icon_minitimeالثلاثاء يناير 12, 2010 12:18 am

Lets Goراح اتكلم اليوم عن ه>ا النوع من المزيكا حتى يعرفوا الجميع
Heavy Metal
هو نوع من موسيقى الروك يلي ظهرت بين 1960 وبداية السبعينيات وخاصة بأنكلترا والولايات المتحدة
خلق ال heavy metal من رحم موسيقى الروك والبلوز يلي كانت منتشرة بهداك الوقت وكان الها شعبية كبيرة
وسمي heavy لأنو كان أثقل نوع بهداك الوقت ولما نشأ كانت الناس معتادة على الsoft rock وblues وبهالوقت ظهرت كلمة metal لأول مرّة .
ولادة الهيفي ميتال كانت سنة 1968 شهر كانون الثاني وأول غنية هيفي صدرت من فرقة blue cheer وكانت cover ل eddie cochran مغني الموسيقى الكلاسيكية وبنفس الشهر صدرت غنية ل Steppenwolf اعتبرت تجسيد لموسيقى المستقبل باللحن وبالموضوع وبعدن طلعت فرقة iron butterfly البوم فيه عناصر من اساسيات الهيفي وهيك بلش ينشأ الهيفي بهالتتابع

iron butterfly
و برزت فرق كبيرة اعتبرت فيما بعد هية المؤسس الأول للهيفي متل led zeppelin-black Sabbath-deep purple- بالمرحلة الأولى وكانت المرحلة الأهم لأنها جذبت عدد كبير من الجماهير وتفوقت بشكل عنيف على موسيقى البوب لدرجة انو كتبير من مهرجانات البوب تحولت لحفلات هيفي بسبب اصرار الناس وتمسكن بالموسيقى الجديدة .
على الضفة الأخرة للأطلسي دخل الهيفي ميتال للدول الأوربية بفضل السياحة والسيط الكبير لموسيقى المستقبل وبدأت الفرق الأوربية تشتغل بهالمجال وكان الها بصمة كبيرة متل فرقة Dust 1971 وفرقة Blue Öyster Cult (1972),و kiss 1974 وبألمانيا كان أول ظهور ل scorpions 1972 مع ألبومن الشهير Lonesome Crow وكمان ظهرت فرقة rainbow 1975 يلي أسسها Blackmore غيتارست machine head بهداك الوقت وهي المرحلة رافقت تأسيس ال hard rock مع ظهور فرقة ac/dc
المرحلة التانية بلشت سنة 1970 ومن أهم أعلام هي المرحلة judas preist هالباند كان الا تأثير قوي بالأعمال يلي قدمتا بعد ماكانت blues bandوأكيد motorhead وهي الفرقة هية حولت الإيقاع من بطيء لسريع بعد ماحولت أعملا من الpunk rock لل heavy metal مع ايقاع سريع ..

black sabbath band
المرحلة التالتة أو ال New wave بدأت مع الفرقة العظية iron maiden وبسبب التأثير الكبير لهي الفرقة والمكان يلي أخدتو بقلوب الناس و بدأت ظاهرة ال metalheads و الحركات الخاصة بالميتال headbanges
وتعتبر فرقة iron maiden المؤسس الأهم لمدرسة ال heavy metal والفرقة الأهم من الفرق المؤسسة
بسنة 1980 بدأ عهد جديد مع ظهور ال galm metal يلي اعتبر المرحلة التالتة من رحلة الهيفي ومن اهم روادا Moutley Crüe وبمنتصف التمانينات انتهت المرحلة التأسيسية من ال heavyوظهرت مرحلة جديدة كان فيها تخصيص أكتر وتفرع وظهرت تباعا انماط جديدة رح نحكي عنها بالتفصيل
يعتبر الheavy أبو الأنماط ومنو تفرعت كل أنواع الميتال يلي كلنا بنعرفا
الheavy metal نمط ذكوري وأغلب مواضيعو بتحكي عن البطولات الشخصية وعن الرغبات الذكورية بشكل خاص .
وبيتميز الليركس بمواضيع حماسية خالية من الكآبة باستثناء black Sabbath-ozzy osbourne-W.A.S.Pيلي غنوا مواضيع حزينة وتناولو قضايا انسانية متل الإبادة النووية والإرهاب ويعتبر البوم Paranoid 1970 افضل مثال .
يعتبر الهيفي من الغناء الشعبي الغربي وبيعتمد على الآلات الأساسية guitar-bass-drums ويعتبر الغيتارست الشخص الأكثر أهمية لأنو بيحدد اللحن الأساسي للغنية وأحيانا بيدخل كيبورد عند الضرورة

W.A.S.P
وبيحكو النقاد أنو العنصر الأهم بالهيفي هو الفوكال وطبقة صوتو أهم من نوع اللحن والليركس ويعتبر james hatfeild of metallica أفضل فوكال بعالم الهيفي تراش ميتال بالتصنيف العالمي .

james
والتعليمات يلي قدمها cliff burton of metallica من أفضل قواعد ال lead لعازفي ال bass يلي هو أهم آلة lead بتأسيس اللحن.

cliff burton
طبعا مابدنا ننسى الدرمز لأنو الهيفي بيتطلب ضربات سريعة ودقيقة مع قوة تحمل طويلة بتتطلب تدريب لفترات طويلة و تقنية cymbal choke مهمة كتير وهية ضرب الصاجة بيد واسكاتها بسرعة بالأيد التانية وهي مهارات استثنائية وبتتطلب مهارة لتدريب الدماغ على القيام بحركات عديدة متل الضرب عال drums –cymbal choke-drums foot مع بعض .
ال heavy منبع الحيوية وهي دراسة قامت فيها الدكتورة دينا ونستن بتأكد فيها أنو ضمن حفلات الميتال بتخلق حيوية عند الشباب خاصة بتفوق الحماس المتولد عند الإنتصار بحرب .!
Heavy metal من أكثر الأنواع يلي تأثرت بالموسيقى الكلاسيكية وأثرت فيها وعازفي الهيفي كلن تدربوا على عزف الموسيقى الكلاسيكية acoustic حتى وصلو للقدرة العالية من العزف والإنفراد بالعزف .
_______________________________
THRASH METAL
التراش ميتال نوع موسيقى مشتق من الهيفي ميتال وأهم مميزاتو الإيقاع السريع والضربات السريعة عالدرمز وطريقة الغناء يلي بتتمثل بمقاطع صوت قصيرة ومرتفعة وقريبة من الصراخ أحيانا وبلايركس مليء بالتحدي والعدوانية ومع هيك التراش من أهم الأنماط يلي بتعالج القضايا الإجتماعية بلغة شجبية تهجمية
وب lead work guitarsاي على عازفين غيتار واحد بيأسس اللحن بعزف مقاطع منخفضة ومتتابعة ويدعى lead guitarist والتاني بيعمل مقاطع solo متنوعة بين السرعة والبطئ وبتعتمد بشكل كبير على خبرة العازف وسرعتو وهية من أهم مميزات التراش ميتال يلي بيتميز عن غيرو بطريقة تقطيع النغمات والتباين الكبير بين الآلات وتعتبر مقاطع الصولو الخاصة بالتراش من أفضل وأعقد مقاطع العزف على الإطلاق لأنها بتحتاج التقاط أوتار والضرب على أوتار أخرى وهالعمل من أصعب أنواع العزف ويعتبر ألبوم Master of puppets
أفضل البومات التراش من حيث الأداء الفني وسرعة العزف واتخذ كقاعدة أساسية مشت على اسلوبو باقي الفرق .
أهم أعلام التراش أربع فرق هنة أسسوا قواعد التراش وحافظوا عليه وأبدعوا كتير
وهنة
, Metallica –slayer-megadeath-anthrax
بحيث ترافق ظهور التراش مع بداية التمانينات يعني بداية تأسيس هالفرق واكيد هي الفرق مو أول مين عزف تراش كان في تجارب من فرق مهمة متل Diamond Head, Iron Maiden, Judas Priest, Venom, Motörhead, Sweet Savage, Tygers of Pan Tang, Raven, Angel Witch بس الفرق الأربعة دخلت مجال الإختصاص .
أول البوم تراش طلع سنة 1983 kill em all by metallica وبعدو بست شهور طلع البوم slayerShow - No Mercy. وهو الألبوم التاني .

slayer band
سنة 1982 ظهرت فرق عظيمة بأوربا متل Tank-Raven-Vemon وهالفرق هية يلي استفزت باقي الفرق الأوربية للبدء بالتراش الأوربي وفينا نقول انو التراش الأوربي أخد شكل جديد من القوة وبيتميز بلايركس أقوى وأعنف من التراش الأميركي وبلهجة احتجاج و غضب أكبر
وطلعت فرق مهمة بألمانيا متل Kreator-Sodom-Distruction وهالمرحلة رافقت ظهور اتجاه جديد هو ال , speed metal
واعتبرت نهاية الفترة الأولى من رحلة التراش

kreator band
الفترة التانية:بين 1984-1986
هي المرحلة كانت ثورة كبيرة بعالم التراش وصدرت فيها أهم الألبومات ونزلت فرق جديدة انضمت بإبداعاتا للفرق المؤسسة وأهم الألبومات
Metallica-ride the lighning1984
Anthrax-fistful of metal1984
Overkill-self titled
Slayer-haunting the chapel
ورافقت ظهور sepultura بالبرازيل
والبوم ميغاديث
album Killing Is My Business... And Business Is Good!
والبوم كريتور endless pain

سنة 1986:
أهم تطوراتا البوم master of puppets يلي اعتبر أفضل البوم تراش
البوم سلاير
Reign in Blood اعتبر الألبوم الكامل ويلي استكمل شروط التراش ميتال.
والبوم ميغاديث
Peace Sells... But Who's Buying? كمان كان مؤثر كتير بتاريخ التراش واعتبر واحد من أفضل الألبومات
البوم
Kreator Pleasure to Kill اخد صدى كبير وكان على درجة عالية من القوة واعتبر الأساس لظهور الDeath metal
والمرحلة التالتة استمرت للوقت الحالي وظهور فرق واتجاهات جديدة بالتراش
وخاصة الإتجاه الديني يلي بين واضح عند بعض الفرق وأدخلوه كأساس بلايركس الأغاني
أنواعو
Bay area thrash metal
الأفضل والأهم والأكبر بين انواع التراش وبيعتمد على تقنية التنوع بالعزف والتبديل المستمر للحن وهو النوع الأصعب
ومن أشهر أعلامو metallica-testament-exodus-slayer
East coast(American thrash)
نشط كتير بأميركا وخاصة بولاية نيوجرسي ونيويورك
ويعتبر الأساس الفني لظهور نمط الهاردكور الأميركي الأصل ويلي صار بعد فترة مميز للميتال الأميركي
وتزايد فيه عنف الليركس .
ومن اشهر اعلامو Anthrax, Nuclear Assault, Overkill, Whiplash
Teutonic thrash metal
بيعتمد نفس أسلوب by area thrash metal بس بلمسة أوربية نشأ بألمانيا ومن أهم أعلامو Kreator, Destruction, Sodom, Tankard Holy Moses.
وبعدين صارت كل فرقة تضيف من ثقافة بلدها على التراش يلي بتغنيه وطلعت تصنيفات كتيرة منها
Canadian thrash-united kingdom thrash-Brazilian thrash-Australian-polish….etc
_______________________________














الرجوع الى أعلى الصفحة اذهب الى الأسفل
son of satan

son of satan


عدد المساهمات : 2
تاريخ التسجيل : 11/01/2010

موسيقى الميتال فى سطور Empty
مُساهمةموضوع: رد: موسيقى الميتال فى سطور   موسيقى الميتال فى سطور Icon_minitimeالثلاثاء يناير 12, 2010 10:08 pm

اية يا رجالة محدش عجبة الكلام ولا اية ولا انا فى المكان الغلط وعلى فكرة ياجماعة( لو حدعايز اى مساعدة فى الروك او الميتال انا تحت امرة فى اى حاجة)
الرجوع الى أعلى الصفحة اذهب الى الأسفل
 
موسيقى الميتال فى سطور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
2blelwda3 :: قسم الاغانى والكليبات :: اغانى اجنبى :: metal and hard rock-
انتقل الى: